ຫຼວງພະບາງ

 ຫຼວງພະບາງເມືອງມໍລະດົກໂລກ

ຫຼວງພະບາງຕັ້ງຢູ່ພາກເໜືອຂອງປະເທດລາວ ເຊິງເປັນເມືອງມໍລະດົກໂລກໃນປີ 1995  ທີມີຄວາມໂດດເດັນທາງດ້ານ ວັດທະນະທຳ ສະຖານທີທ່ອງທ່ຽວ ອາຫານ ແລະ ກິດຈະກຳຕ່າງໆ ທີມີຄວາມຫຼາກຫຼາຍ ຫຼວງພະບາງຈຶ່ງຄອງຕຳແໜ່ງ ເມືອງຍອດນິຍົມ ແຫ່ງການທ່ອງທ່ຽວ ຫຼາຍສະໄໝ  ຈາກວາລະສານລະດັບໂລກ ວັນໂດລັດຈາກປະເທດອັງກິດ . ຫຼວງພະບາງເປັນເມືອງທີເກົ່າແກ່ຂອງອານາຈັກລາວລ້ານຊ້າງ ເປັນດິນແດນແຫ່ງອະລິຍະທຳ ທີອຸດົມສົມບູນ ມີປະຫວັດສາດອັນຍາວນານ ມີວັດທະນະທຳຮີດຄອງປະເພນີອັນດີງາມ ເຊິງໄດ້ຮັບການອານຸລັກຮັກສາໃຫ້ຄົງຄຸນຄ່າຕະຫຼອດມາ  ດ້ວຍບັນຍາກາດນີ່ເອງ ທີນັກທ່ອງທ່ຽວຕ້ອງການກັບມາຊ້ຳແລ້ວຊ້ຳອີກ .

ຊື່ຫຼວງພະບາງແມ່ນຕັ້ງມາຈາກ ອົງພະບາງ ທີສັກສິດ ເຊິງຊາວລາວ ໃຫ້ຄວາມເຄົາລົບນັບຖື ຖ້າທ່ານມາທ່ຽວຫຼວງພະບາງ ຍ່າລືມມາກາບໄຫວ  ເພືອຄວາມເປັນສິລິມຸ່ງຄຸນແກ່ຊີວິດ. ເຊິງອົງພະບາງປະດິດສະຖານຢູ່ ຫໍພະບາງ  ຫຼື ຫໍພິພິທະພັນແຫ່ງຊາດຫຼວງພະບາງ ເຊິງເປັນພາລາດຊະວັງເກົ່າຂອງເຈົ້າມະຫາຊີວິດໃນເມື່ອກ່ອນ .ຫຼວງພະບາງມີສາຍນ້ຳຄານກັບສາຍນ້ຳຂອງໄຫຼ່ມາພົບພໍ້ກັນ ສາມາດນັ່ງເຮືອຊົມທຳມະຊາດ ວີຖີ່ຊີວິດ  ແລະສາມາດທ່ຽວຊົມແຫຼ່ງທ່ອງທ່ຽວ, ຮ່ວມເຮັດກິດຈະກຳຕ່າງຕາມຫມູ່ບ້ານກິດຈະກຳຂອງສອງຝັ່ງຂອງ .

ນະຄອນຫຼວງພະບາງເປັນເມືອງນ້ອຍໆທີມີຄວາມຫງຽບສະຫງົບເໝາະກັບການຖີບລົດ ເພືອສຳພັດກັບທິວທັດທຳມະຊາດອັນສວຍສົດງົດງາມຂອງຕົວເມືອງ  ວິຖີ່ຊີວິດ ແລະ ທ່ຽວຊົມວັດວາອາຮາມ ເປັນຕົ້ນແມ່ນ ວັດຊຽງທອງ  ທີມີຄວາມສວຍສົດງາມທາງດ້ານສະຖາປັດຕະຍະກຳ ແບບມີເອກະລັກ ຂອງຫຼວງພະບາງ  ທີໄດ້ຮັບການຍົກຍອງ ຈາກນັກບູຮານຄະດີ ເປັນດັ່ງອັນຍະມະນີແຫ່ງສະຖາປັດຕະຍະກຳຂອງລາວ . ວັດວິສຸນ ອັນເກົ່າແກ່ ແລະ ພະທາດປະທຸມ ຫຼື ຫຼາຍຄົນເອີ້ນວ່າທາດໝາກໂມ ເມື່ອມາໄດ້ມາຫຼວງພະບາງ ຍ່າລືມຂຶ້ນຊົມວິວຕົວເມືອງແບບ 360 ອົງສາ ທີພະທາດພູສີ ເຊິງຕັ້ງຢູ່ໃນກາງນະຄອນຫຼວງພະບາງ  .ໃນຍາມເຊົ້າຫຼັງຈາກຕາເວັນຂຶ້ນ ຈະມີພະຊົງ ສໍາມະເນນ ເດີນທາງມາບິນພະບາດ ຢູ່ຕາມແຄມທາງ ຂອງບັນດາໝູ່ບ້ານ  ແລະ ວັດຕ່າງໆ ພາຍໃນນະຄອນຫຼວງພະບາງ ແລະ ຈະມີປະຊາຊົນທ້ອງຖິ່ນ ນັກທ່ອງທ່ຽວ ແລະ ຜູ້ສົນໃຈ  ອອກມາຮ່ວມກັນໃສ່ບາດ  ຫຼື ຖ່າຍພາບ ເຊິງເປັນການສ້າງຄວາມປະທັບໃຈໃຫ້ແກ່ຜູ້ມາພົບເຫັນ ແລະ ມາສຳພັດ . ໃນທຸກໆປີຫຼວງພະບາງຈະມີຄວາມໂດດເດ່ນໃນງານບຸນປະເພນີຕ່າງໆ ທີບໍ່ເໝືອນທີ່ໃດໃນໂລກ ,ບຸນປີໃໝ່ລາວ,ບຸນຊວງເຮືອເດືອນ 9  , ບຸນໄຫຼ່ເຮືອໄຟ ທີສວຍສົດງົດງາມ ແລະ ເປັນເອກະລັກສະເພາະ.  ຖ້າເວົ້າເຖິງອາຫານການກິນແລ້ວ ຫຼວງພະບາງມີຕັ້ງແຕ່ ອາຫານລະດັບ 5 ດາວ ຈົນເຖິງອາຫານຕາມຂ້າງຖະໜົນທີໃຫ້ທ່ານໄດ້ລອງຊິມ. ມີນັກທ່ອງທ່ຽວຫຼາກຫຼາຍມາຫຼວງພະບາງ ພຽງເພາະຢາກມາຊິມອາຫານພື້ນບ້ານ ແລະ ລາຄາຖືກ  ໃນຄະນະທີບາງຄົນມາເພືອຊິມ ບາງຄົນກໍມາເພືອຊື້ເຄືອງ. ຕະຫຼາດກາງຄືນໃຈກາງເມືອງ  ເປັນບ່ອນທີມີເຄືອງຂາຍຫຼາກຫຼາຍ ຕັ້ງແຕ່ເຄືອງຫັດຖະກຳຈົນໄປເຖິງເສື້ອຜ້າ . ອອກຈາກໃນກາງນະຄອນຫຼວງພະບາງໄປທາງທິດຕາເວັນຕົກສຽງໃຕ້ 30 Km ທ່ານຈະໄດ້ສຳພັດກັບຄວາມສົດຊື່ນ ທີນ້ຳຕົກຕາດກວາງຊີ ເຊິງເປັນນ້ຳຕົກທີສວຍງາມທີສຸດ ໃນແຂວງຫຼວງພະບາງ . ຂຶ້ນໄປທາງທິດເໜືອ 130 Km ທ່ານຈະໄດ້ສຳພັດກັບທຳມະຊາດທີອຸດົມສົມບູນ ທີເມືອງງອຍ  ທ່ານສາມາດເດີນທາງມາຫຼວງພະບາງດ້ວຍ ຍົນ,ລົດ,ເຮືອ ຫຼື ລົດໄຟແຮງສູງ  ເພື່ອສຳພັດກັບບັນຍາກາດທີທ່ານຈະບໍ່ມີວັນລືມ.