ອາຫານ

   ອາຫານປະຈຳທ້ອງຖິ່ນຂອງຫຼວງພະບາງ

ອາຫານຫຼວງພະບາງມີລົດຊາດເບົາ ບໍ່ເຜັດຫຼາຍເກີນໄປ ບໍ່ມັກໃຊ້ການຜັດຫຼືທອດນ້ຳມັນ ແຕ່ໃຊ້ການນື້ງ ຕົ້ມ ເປັນສ່ວນໃຫຍ່ ວິທີການປຸ່ງແຕ່ງງ່າຍໆບໍ່ຊັບຊ້ອນ ຍົກເວັ້ນອາຫານຂອງຊາວວັງໃນຮາຊະສຳນັກ ຈະມີຂັ້ນຕອນ ແລະ ວິທີປຸ່ງແຕ່ງຊັບຊ້ອນຂຶ້ນ ເຊິງທຸກມື້ນີ້ອາຫານຊາວວັງຕຳລັບຫຼວງພະບາງສາດຮັບປະທານໄດ້ຕາມຮ້ານອາຫານບາງແຫ່ງໃນຫຼວງພະບາງ ແລະ ວຽງຈັນດັ່ງ ເຊັ່ນ ອາຫານແນະນຳ ມີສະເພາະຖິ່ນຂອງຫຼວງພະບາງ ດັ່ງນີ້:

ເອະຫຼາມ ຖືເປັນອາຫານປະຈຳເມືອງຂອງຫຼວງພະບາງ ເຊິງຫາກິນຢູ່ໃສ່ບໍ່ໄດ້ໃນຖິ່ນອື່ນໆຂອງເມືອງລາວ ສ່ວນປະກອບສຳຄັນຄື ເຂົ້າໜຽວ,ໝາກເຜັດ,ໝາກເຄື່ອຜອຍ,ຫົວສີໄຄ່,ຕຳລຶ້ງ, ຜັກຊີ ແລະ ເຫັດຫູໜູ ທີຂາດບໍ່ໄດ້ຄືສະຄ່ານ ເຊິງເປັນເຖົ່າໄມ້ຊະນິດໜຶ່ງ ແລະ ສ່ວນປະກອບຫຼັກຄື ຫນັງງົວ ທີໃຊ້ໃນການເຮັດເອາະຫຼາມ

ເອາະຫຼາມມີລັກສະນະຂົ້ນ ຍ້ອນວ່າມີສ່ວນປະສົມຈາກເຂົ້າໜ່ຽວທີຄ້ຽວຈົນຂົ້ນ ແລະ ປຸ່ງແຕ່ງດ້ວຍສະຄ່ານເຮັດໃຫ້ມີລົດຊາດສະເພາະຕົວ ການເຮັດເອາະຫຼາມໃຊ້ເວລາກຽມຄ່ອນຂ້າງດົນ ຄົນຫຼວງພະບາງຈຶ່ງນິຍົມເຮັດກິນໃນຊວງເວລາພິເສດເທົ່ານັ້ນ ແລະ ມັນກິນຄູ່ກັບຜັກສະລັດຈື່ງຈະເຂົ້າກັນ

ເອາະຫຼາມ

ໄຄແຜ່ນ(ໄກແຜ່ນ) " ໄຄ "ເປັນສາລາຍນ້ຳຈືດ ຮູບຮ່າງເປັນເສັ້ນຍາວ ລະອຽດ ຄ້າຍຄືເສັ້ນຜົມຜູ້ຍິງ ມີສີຂຽວສົດ ມັກຂຶ້ນເປັນກຸ່ມຕາມນ້ຳຫ້ວຍນ້ຳຂອງທີມີນ້ຳໄຫຼ່ຕະຫຼອດເວລາ ແລະ ໃສສະອາດ ໄຄຈະບໍ່ຂຶ້ນທີນ້ຳຂັງນ້ຳເປື້ອນ

ເມືອເກັບໄຄມາແລ້ວຕ້ອງນຳມາລ້າງໃຫ້ສະອາດເອົາເສດດິດເສດຊາຍອອກຈົນໝົດ ຈາກນັ້ນນຳໄຄມາຊຸບນ້ຳລະລາຍສົ້ມໝາກຂາມ ເຊິງປະສົມດ້ວຍຂີງ ຂ່າ  ກະທຽມ  ຫອມໃຫຍ່ ໝາກເລັນ ແປງນົວ ແລະ ເກືອ  ແລ້ວຖ້າໃຫ້ສະເດັດນ້ຳ  ເເລ້ວເຮັດໄຄໃຫ້ເປັນແຜນແລະບາງ  ຫຼັງຈາກນັ້ນໂຮຍດ້ວຍງາຂາວແລ້ວຕາກແດດໃຫ້ແຫ້ງ  

ວິທີການກິນ ເມືອຈະກິນໃຫ້ຕັດເປັນແຜ່ນນ້ອຍ ທອດໃນນ້ຳມັນຮ້ອນໆ ແຕ່ບໍ່ຕ້ອງເຮັດໄຟແຮງ ຕ້ອງໃຊ້ໄຟອ່ອນ ຕ້ອງເຮັດໃຫ້ໄວ້ແບບຈຸ່ມນ້ຳມັນແລ້ວໃຫ້ເອົາຂຶ້ນທັນທີ ຖ້າບໍ່ດັ່ງນັ້ນຈະເຮັດໄຟໄໝ້ໄຄ ລົດຊາດຕິດຄົມ ຈະເຮັດໃຫ້ລົດຊາດບໍ່ແຊບ 

ໄຄແຜນຖືວ່າເປັນອາຫານວ່າງ ຫຼື ກັບແກ້ມກໍໄດ້ ທີຄົນຫຼວງພະບາງນິຍົມກິນ ແລະ ມັກໃຊ້ກິນກັບແຈ່ວບອງ ເພືອເພີ່ມຄວາມແຊບໃຫ້ຫຼາຍຂຶ້ນ

ໄຄແຜ່ນ

ແຈ່ວບອງ  ເປັນແຈ່ວຊະນິດໜື່ງທີຄົນຫຼວງພະບາງນິຍົມກິນ ມີລົດຊາດຕິດຫວານຫນ່ອຍໜຶ່ງສ່ວນສຳຄັນຕ້ອງມີໜັງຄວາຍເປັນຕ່ອນນ້ອຍໆປະສົມຢູ່ໃນແຈ່ວ ເວລາກິນຈະເຮັດໃຫ້ກຸບກອບ  ແຕ່ບໍ່ຄວນເກັບໄວ້ດົນເພາະຈະເຮັດໃຫ້ຫນັງຫຍາບ ແລະ ໜຽວ ແລະຍັງສາມາດນຳໄປເປັນຂອງຝາກໄດ້ອີກ

ແຈ່ວບອງ

ເຝີ ເປັນອາຫານທີກິນງ່າຍ ມີທັງເຝີຊີ້ນໝູ ຊີ້ໄກ່ ແລະ ຊີ້ນງົວ ມີທັງເຝີເສັ້ນໃຫຍ່ແລະ ເຝີເສັ້ນນ້ອຍ ມັກນິຍົມກິນກັບຜັກ ຫຼື ກັບໝາກເຜັດຂີ້ໜູ ຈ້ຳກະປິ ຕັດລົດຊາດດ້ວຍໝາກຫຸ່ງດອງ  ຮ້ານຂາຍເຝີສ່ວນຫຼາຍມັກຈະບໍ່ມີຊື່ຮ້ານ ມີຂາຍທົ່ວໄປຕາມຮ້ານອາຫານ

ເຝີຊີ້ນງົວ

ຜັກກັບ

ເຂົ້າຈີ່ປາເຕ້  ຄືເຂົ້າໜົມປັງຍາວ ແບບຝຮັ່ງເສດ ເປັນອາຫານເຊົ້າສຳລັບຊາວຫຼວງພະບາງ ທີຫາກິນໄດ້ງ່າຍ ແລະ ສະດວກທີສຸດ ມີໄສ້ຫຼາຍແບບໃຫ້ເລື່ອກ ກິນກັບກາເຟລາວເປັນອາຫານເຊົ້າແບບງ່າຍໆ ທີ່ພົກພາງ່າຍ ມີຂາຍຕາມທ້ອງຖະນົນໃນຫຼວງພະບາງ

ເຂົ້າຈີ່ປາເຕ້

ເຂົ້າປຽກເສັ້ນ ເປັນອາຫານເສັ້ນ ເຊິງເສັ້ນຄ້າຍຄືກັບເຂົ້າປຸ່ນ ແຕ່ຈະມີ ເສັ້ນໃຫຍ່ ໜ່ຽວແລະ ນຸ່ມກວ່າ ເພາະເຮັດຈາກແປ້ງເຂົ້າໜ່ຽວ ຄົນລາວນິຍົມກິນຫຼາຍ 

ເຂົ້າປຽກເສັ້ນ

ເຂົ້າປຸ້ນແຈ່ວຂີງ  ຈະມີລັກສະນະເປັນເສັ້ນສີຂາວ ເຮັດຈາກເຂົ້າໜ່ຽວທີເຮັດການມັກໄວ້ເປັນ1-2ຄືນ ກ່ອນຈະນຳມາເຮັດເປັນເຂົ້າປຸ້ນ ເັປນອາຫານມື້ກາງເວັ້ນ ແລະ ຈະມີແຈ່ວຂີງ ກິນກັບຜັກລວກ ເຂົ້າໂຄບ ແລະ ປາປີ້ງ ຈະມີລົດຊາດແຊບຫຼາຍ

ເຂົ້າປຸ້ນເເຈ່ວຂີງ

ເຂົ້າແລງຝື່ນ  ທີມາຈາກອາຫານລື້ຂອງຄົນພາກເຫນື່ອ ມີທັງແແບເປັນເສັ້ນແລະເປັນກ້ອນ  ນິຍົມກິນກັບນ້ຳສົ້ມໝາກເລັນ  ສົ້ມຈາກສົ້ມປ່ອຍ  ຫຼື ສົ້ມໝາກຂາມ  ກິນຄູ່ກັບແຈ່ວຖົວເນົ່າ ປຸ່ງລົດດ້ວຍ ເກືອ ແປງນົວ ແລ້ວໂຮຍໜ້າດ້ວຍຜັກຫອມປ້ອມ   ນີຍົມກິນເປັນອາຫານວາງເວລາກາງເວັ່ນ

ແບບເປັນກ້ອນ

ແບບເສັ້ນ