ແຫຼ່ງທ່ອງທ່ຽວ

                                      

ຫຼວງພະບາງ ເປັນເມືອງມໍລະດົກໂລກຂອງລາວ ທີເປັນຕາໄປທ່ຽວຊົມຫຼາຍ ເຖິງເປັນເມືອງທີບໍ່ໃຫຍ່ ແຕ່ກໍເຕັມໄປດ້ວຍສະເນ່ ບັນຍາກາດທີຫງຽບສະຫງົບ ເໝາະກັບການເດີນທາງມາທ່ອງທ່ຽວຊົມເມືອງ ຊົມສີລະປະວັດຖະນາທຳ  ທຳມະຊາດທີງົດງາມ  ວັດວາອາຮາມ ແມ່ນ້ຳຂອງ ແລະ ກິ່ນອາຍຂອງປະຫວັດຕິສາດ.

 ແນະນຳສະຖານທີທ່ອງທ່ຽວທີຫຼວງພະບາງ ແລ້ວຈະຫຼົງຮັກສະເນ່ຂອງເມືອງຫຼວງແຫ່ງນີ້:

1.ວັດຊຽງທອງ ( Xieng Thong temple Luang Prabang )ເປັນວັດທີສຳຄັນແລະ ມີຄວາມງົດງາມທີສຸດແຫ່ງໜຶ່ງຂອງລາວ ສ້າງຂຶ້ນໃນສະໄຫມ່ພະເຈົ້າໄຊເສດຖາທິຮາດ ວັດນີ້ໄດ້ຮັບການຍົກຍ່ອງຈາກນັກບູຮານຄະດີວ່າ  ເປັນດັ່ງອັນຍະມະນີແຫ່ງ ສະຖາປັດຕະຍະກຳລາວ ດ້ວຍຄວາມງົດງາມ ຂອງຮູບແບບສີລະປະລ້ານຊ້າງທີສົົມບູນ. ນອກນີ້ຍັງຖືໄດ້ວ່າ ຖ້າມາຮອດຫຼວງພະບາງແລ້ວ  ບໍ່ມາແວະທຽວກໍເໝືອນມາບໍ່ເຖິ່ງຫຼວງພະບາງ 

 

ຈຸດເດັ່ນທີຫ້າມພາດກໍຄື ທາງດ້ານຫຼັງຂອງພະວິຫານ ເຊິ່ງເປັນທີຕັ້ງຂອງຫໍຜ້າມ່ານ ແລະ ຫໍພິພຸດທະໄສຍານ ຝາດ້ານນອກທາພື້ນເປັນສີສົມພູກຸລາບ ຕົກແຕ່ງດ້ວຍລວດລາຍສວຍງາມ ເປັນເອກະລັກ ເປັນອີກມຸ່ມທີງົດງາມ ທີເຫັນແລ້ວ ຈື່ໄດ້ທັນທີວ່າ ທີນີ້ຄື " ຫຼວງພະບາງ"  

2. ວັດໃໝ່ສຸວັນນະພູມາຣາມ ຫຼື ວັດໃໝ່ ວັດທີສວຍງາມອີກແຫ່ງໜື່ງທີຖືວ່າມີເອກະລັກ  ນັ້ນກໍຄືໂບດຂະໜາດໃຫຍ່ທີມີຫຼັງຄາຊ້ອນກັນເຖິງ 5 ຊັ້ນ ອີກທັງຍັງໄດ້ຊື່ວ່າ ເປັນວັດທີມີກຳແພງງົດງາມທີ່ສຸດແຫ່ງໜື່ງ ດ້ວຍລວດລາຍນ້ຳປິດທອງຮອບກຳແພງ ພາຍໃນໂບດປະດິດສະຖານພະປະທານທີເປັນພະພຸດທະຮູບໄມ້ບູຮານໃຫ້ໄດ້ເຂົ້າຊົມຄວາມງົດງາມ ແລະ ຄວາມຊົງຄຸນຄ່າອີກດ້ວຍ ນອກນນີ້ຍັງມີພະພຸດທະຮູບຫຼາຍກວ່າມື່ນອົງປະດິດສະຖານຢູ່ໃນວັດອີກດ້ວຍ

3. ພະລາດຊະວັງຫຼວງພະບາງ ( Royal Palace Luang Prabang) ເປັນພະລາດຊະວັງທີເກົ່າຂອງເຈົ້າມະຫາຊີວິດສາຍຫຼວງພະບາງ ທີນີ້ມີສະຖາປັດຕະຍະກຳທີງົດງາມ ແລະ ຕົວອາຄານຍັງມີການປະສົມປະສານຂອງສະຖາປັດຕະຍະກຳແບບຍຸໂລບອີກດ້ວຍ  ປັດຈຸບັນໄດ້ກາຍເປັນ ພິພິທະພັນທີສຳຄັນ ແລະ ເປີດໃຫ້ນັກທ່ອງທ່ຽວໄດ້ຊົມ

4. ນ້ຳຕົກຕາດກວາງຊີ ( Tat Kuang Si Waterfalls)ນ້ຳຕົກສີຫີນປູນທີມະຫັດສະຈັນແຫ່ງຫຼວງພະບາງ ຈຸດເດ່ນຂອງນ້ຳຕົກແຫຼ່ງນີ້ຄືສາຍນ້ຳສີຟ້າ ເຊິ່ງເກີດຈາກແຮ່ທາດທີຢູ່ບໍລິເວນນ້ຳຕົກ ໄຫຼ່ລົງທັງໝົດສີ່ຊັ້ນ ກາງປ່າໄມ້ຮົ່ມເຢັນ ເຮັດໃຫ້ກາຍເປັນນ້ຳຕົກທີສວຍງາມ

5.ນ້ຳຕົກຕາດແສ້ ເປັນອີກທີທ່ຽວທຳມະຊາດຂອງຫຼວງພະບາງ ເປັນນ້ຳຕົກຫີນປູນຂະໜາດກາງແມ່ນ້ຳຊັ້ນຂອງນ້ຳຕົກ ອາດຈະບໍ່ສູງເທົ່າກັບນ້ຳຕົກຕາດກວາງຊີ ແຕ່ຄວາມສວຍງາມຂອງຕາດແສ້ນີ້ຢູ່ທີສາຍນ້ຳ ທີໄຫຼ່ອອກມາຕາມລານຫີນ ລົງມາເປັນຊັ້ນໆ ລົງສູ່ແອ່ງແມ່ນ້ຳ ເຊິງນັກທ່ອງທ່ຽວສາມາດລົງໄປຫຼິ້ນນ້ຳໄດ້ ນອກຈາກນີ້ຍັງມີສະຖານທີໂຊການສະແດງຂອງຊ້າງອີກ

6. ພະທາດພູສີ( Mount Phou Si ) ຕັ້ງຢູ່ເທິ່ງຍອດພູເຂົາທີມີຄວາມສູງ 150 ເເມັດ ຕັ້ງຢູ່ໃຈກາງເມືອງຫຼວງພະບາງ ນັກທ່ອງທ່ຽວສາມາດຢ່າງຂຶ້ນຂັ້ນໄດ່ 382 ຂັ້ນ ເພື່ອຊົມຄວາມງົດງາມຂອງພະທາດ ແລະ ຊົມວິວທີງົດງາມ ຂອງຫຼວງພະບາງໄດ້ແບບ 360 ອົງສາ ເຊິ່ງຊວງເວລາທີເໝາະກັບການຢ້ຽມຊົມ ແມ່ນຊວງດວງຕາເວັ້ນໃກ້ຕົກ ເພາະແສງແດດຈະສາດສ່ອງ ແລະ ເຮັດໃຫ້ເຫັນວິວທີງົດງາມທີ່ສຸດ

7. ຕະຫຼາດມືດ( Luang Prabang Nigtht Market ) ຫຼັງຈາກທີໄປທ່ຽວຊົມພະທາດພູສີມາແລ້ວ ຊ່ວງຫົວຄ່ຳທີ່ດ້ານລຸ່ມຂອງພະທາດພູສີ ຈະມີການຕັ້ງຮ້ານຂາຍເຄື່ອງເປັນແຖວແນວຍາວຜ່ານພະລາດຊະວັງເກົ່າໄປຈົນເຖິ່ງວົງວຽນ ນັ້ນກໍຄື ຕະຫຼາດມືດ . ສຳລັບເຄືອງວາງຂາຍຈະເປັນຂອງທີລະນຶກຕ່າງໆ ງານຫັດຖະກຳ ໄປຈົນເຖິງງານຜ້າໄໝ່ ມີສິ້ນຄ້າຫຼາກຫຼາຍ ໃຜທີຫາຂອງຝາກຈາກການມາທ່ຽວຫຼວງພະບາງ ກໍສາມາດເລືອກຊື້ໄດ້ຕາມຕະຫຼາດມືດ

  

8. ຖ້ຳຕິ່ງ(ຖ້ຳປາກອູ່) ເປັນຖ້ຳທີ່ຕັ້ງຢູ່ກາງພູເຂົາລູກໃຫຍ່ໃກ້ແມ່ນ້ຳຂອງ ວິທີການເດີ່ນທາງໄປແມ່ນຕ້ອງໄດ້ນັ່ງເຮືອໄປທ່ຽວຊົມ  ເຊິງສາມາດຂຶ້ນເຮືອໄດ້ຕາມທ່າເຮືອຂອງວັດຊຽງທອງ ເປັນເຮືອເຊົ່າຫຼືເໝົາ ເຊິງຈະໄດ້ຊົມວິວທິວທັດສອງຝາກຝັ່ງຂອງແມ່ນ້ຳຂອງ.

ພາຍໃນຖ້ຳຈະມີຫີນອົກຫີນຍ້ອຍ ມີພະພຸດທະຮູບຈຳນວນຫຼາຍ ເຊິງໃນສະໄໝ່ບູຮານທີນີ່ເປັນທີສັກກາລະບວງສວງດວງວິນຍານ ຜີຟ້າ ຜີແຖນ  ເທວະດາຜ່າຕິ່ງ ສະແດງເຖິງຍຸກແຫ່ງການປະຕິວັດຄວາມເຊືອຖືຂອງຊາວລາວໃນສະໄໝອະດີດທີເຄີຍນັບຖືຜີ 

 

9. ແນ່ນອນວ່າມາຫຼວງພະບາງແລ້ວ ກິດຈະກຳທີພາດບໍ່ໄດ້ເລີຍກໍຄື ລ່ອງເຮືອ ແມ່ນ້ຳຂອງ ຊົມວິວງາມໆ ຂອງເມືອງຫຼວງພະບາງ ແລະທຳມະຊາດຮອບດ້ານ.ນອກຈາກຖ້ຳອູ່ແລ້ວ ເຮົາກໍຈະໄດ້ແວສະຖານທີທ່ອງທ່ຽວຕ່າງໆ ຕາມລິມແມ່ນ້ຳຂອງ ມີແບບທ່ຽວສັ້ນໆ ປະມານ 10 ນາທີ ຈາຕົວເມື່ອງຫຼວງພະບາງ ແລະ ແບບທ່ຽວຍາວໆ 11 ວັນແບບຈຸໃຈໃນເຮືອສຳລານ ທີຈະພາເຮົາລອງແມ່ນ້ຳຂອງຕັ້ງແຕ່ເມືອງຫຼວງພະບາງໄປຈົນເຖິງ ສາມຫຼ່ຽມທອງຄຳ  ໃຜທີຍາກພັກຜ່ອນແບບເຕັມອິ່ມແນະນຳທິບນີ້ເລີຍ

10. ສະເນ່ຂອງຫຼວງພະບາງທີເຮັດໃຫ້ຄົນທັງໂລກຕ່າງກໍຫຼົງຮັກກໍຄື ວິຖີ່ຊີວິດແບບລຽບງ່າຍ ລວມເຖິ່ງວັດທະນະທຳ ປະເພນີທີສືບທອດກັນມາຢ່າງຍາວນານ ໂດຍສະເພາະ ການຕັກບາດເຂົ້າໜຽວ ເປັນການຕັກບາດທີຄ້າຍກັບທາງພາກອີສານຂອງໄທ  ເວລາທີເໝາະສົມທີສຸດໃນການໃສ່ບາດກໍຄືຊວງເວລາຫົກໂມງຕອນເຊົ້າ ເຊິງພະຊົງຈະອອກມາບິນພະບາດ ເຮົາສາມາດອອກມາຊື້ອາຫານ ແລະ ເຂົ້າໃສ່ບາດລວງໜ້າໄດ້ ຫຼື ໃຫ້ທາງໂຮງແຮມກະກຽມໄວ້ໃຫ້ ເພືອອອກມາຕັກບາດໃນຕອນເຊົ້າ

 

11. ຄ່າຍອານຸລັກຊ້າງມັນດາລາ ( MandaLao Elephant Conservation) ນັ່ງເຮື່ອໄປໃຊ້ຊີວິດກັບຊ້າງ ທີເປັນອິດສະຫຼະຍ່າງແທ້ຈິງ ຢູ່ທີຄ່າຍອານຸລັກຊ້າງມັນດາລາ  ທີນີ່ຈະປ່ອຍຊ້າງໃຫ້ຢູ່ຢ່າງອິດສະຫຼະ ເຊິ່ງແຕກຕ່າງຈາກບ່ອນອື່ນໆ  ເມືອເຮົາໄປຮອດ  ຈະຕ້ອງໄດ້ປຽນເກືອບ ແລະ ແຈກກະຕຸກນ້ຳສຳລັບໃຫ້ຊ້າງ ກ່ອນຈະນັ່ງເຮືອປະມານ 3 ນາທີ ເຮົາກໍຈະເຫັນຊ້າງຢູ່ເທິງຝັ່ງ ຈະມີຊ້າງຢູ່ບໍ່ຫຼາຍ ປະມານ 8 ເຊືອກ  ລ້ວນແຕ່ເປັນຊ້າງທີໄດ້ຮັບຄວາມຊ່ວຍເຫຼືອມາຈາກການຖືກທຳລາຍ  ຫຼື ຖືກໃຊ້ແຮງງານຢ່າງໜັກ ແຕ່ເມືອມາຢູ່ບ່ອນນີ້ຊ້າງຈະຖືກໃຊ້ຊີວິດຢ່າງອິດສະຫຼະ. ເຮົາສາມາດເອົາກ້ວຍໃຫ້ຊ້າງກິນໄດ້ ແຕ່ຕ້ອງລະວັງ ຊ້າງຈະມີຄວາມຫິວຫຼາຍ ເວລາເຮົາຈັບກ້ວຍໃຫ້ ຈະເຮັດໃຫ້ຍິບກ້ວຍໃຫ້ຊ້າງກິນບໍ່ທັນ  ຫຼັງຈາກນັ້ນທາງໄກຈະພາໄປຢ່າງຫຼິ້ນກັບຊ້າງ ຢ່າງໄປກັບຊ້າງ ໃຫ້ເຫັນທຳມະຊາດທີແທ້ຈິງຂອງປ່າກັບຊ້າງ ສຳລັບໃຜທີຍາກມາໃຊ້ຊີວິດກັບຊ້າງທີນີ່ຕ້ອງໄດ້ຈອງລວງໜ້າ 

12.ເຮືອນຈັນ ເປັນເຮືອນໄມ້ບູຮານ ທີມີອາຍຸຫຼາຍກວ່າ 100 ປີທີໄດ້ຮັບການບູລະນະແລະອານຸລັກໄວ້ເປັນພິພິທະພັນ , ສະຖານທີຈັດກິດຈະກຳທາງດ້ານວັດທະນະທໍາ,ອາຫານ ແລະ ເຄືອງດື່ມ.ຄົນສວນຫຼາຍຈະນິຍົມມາທ່ຽວຊົມເຮືອນຈັນ ເພືອເຊົາຊຸດລາວແລ້ວຖ່າຍຮູບເປັນທີລະລຶກ